كيـف نبحث في الإنترنت عن مانريد أن نجده مِن أعمال يدوية ؟!

مافي أحسن من البحث عن الإلهام والتصاميم ، بالنسبة لي قوقل طال عمره مكفي وموفي بها الناحية ..
لكن بما إني خليته يشرق من كثر ما أبحث في دهاليز دهاليزه أكتشفت كم موقع يجمعون لي كل اللي أبيه وبطريقة الوصول لها سهل لآآخر درجة ..
كل اللي علي أسويه أكتب أسم ها الشي اللي أبحث عنه باللغة الإنجليزية ،
لو كان فيمو ( Fimo ) أو جوخ ( Felt ) أو كروشية ( crochet )
أو تطريز ( Embroidering ) أو تريكو ( tricot ) أو خياطة ( sewing )
أوحتى تصميم دفاتر وبطاقات ( card $ notebook ) ..!
كل شي تبينه مجرد كتابة أسمه وبحث .!!
وإذا فرضاً ما عرفنا إسم الشي بالإنجلش ، مافي أحسن من قوقل ترجمة !
أو حتى ندور باللغه العربية حتى نلقى فجأه المرادف بالإنجلش أو حتى بالأسباني !
وحلو بعد لو دخلنا في موقع أو مُدونه مليانه أعمال وأشغال يدوية، تلقائياً نروح للـقوائم الجانبيه ندور في المواقع الصديقه
لأنو أكيد المواقع الموجوده بالمدونه مُرتبطه بطريقة أو بأخرى بـ اللي تدورين عنه

—

يـوم بـعد يـوم، صار إدماننا للـِشغل وإقتباس وتعديل الأفكـار الجديده مرتبط بحياتنا اليومية
بحيث أن مو موقع أو أثنين مُمكن يرضوا الفضول الإبداعي لإيجاد الأفكار والتجديد فيها
ألحـين خلونا نشوف المواقع اللي أتعامل معها دايم لـ الحصول على الأفكار والإلهام أو حتى مجرد الفرجة

—

flickr
أول موقع نتعامل معه ، حبيب القلوب فلكر
أعشق ها الموقع ، كمية الأفكار اللي ممكن تستلمها منه غير طبيعيه
ومستحيل أطلع من رحلة بحث بدون ما تمتلي المفضلة روابط منه ، جدن رائع
طبعاً طريـقة البحث فـيه من أسهل ما يكون!!
أكتبي اسم اللي تبين بالعربي أو بالإنجلش أو بأي لغه وترررااا وصلت الطلبيه

deviantart
ثاني موقع ، موقع فِتنه !
من أدخله أسحب ع الدنيا كلها طلعوني منه عاد ، كِل شي فيه رهيب ، مهما كان اللي أدور عنه غريب ألقاه هِنا بقدرة قادر !!
ببساطه أعشقه
طريقة البحث فيه، في بالقائمه الجانبيـة ، إضغطي على كـلمة ..artisan carfet ..
وراح تفتح لك صفحة بحث مليييئه بالأعمال اليدوية بـكافة إنقساماتها
ببساطه موقع لا يُمل مِنه

cuteable.com
الموقع الثالث أستخدمه عشان ألقى فكرة غريبة لأي شي
طبعاً هو مو موقع ، هو مدونة لشخص يجمع مدونات الأعمال اليدوية ويعرضها
من عشاق ها المدونه ولم أدخل طلعوني منها عاد
أفضل جوله أحبها هي جوله يوم الثلاثاء
مُمتعه وسهله وأقتبس أفكـار بالهبل